Grantlar
Madaniyat va sanʼat sohasida toʻrt yoʻnalish boʻyicha qaytarilmas grantlar
Haqida
Grant tanlovi Madaniyat vazirligi tomonidan har yili toʻrt yoʻnalish boʻyicha ochiq tanlov asosida oʻtkaziladi. Har bir loyihani kamida uch nafar mustaqil ekspert baholaydi; zarur hollarda ishtirokchi loyihasini bevosita, onlayn yoki gibrid shaklda taqdim etadi. Tanlov komissiyasi ekspert baholash natijalari asosida gʻoliblarni tasdiqlaydi va grant miqdorini belgilaydi.
Tanlovda ishtirok eting
OneID orqali roʻyxatdan oʻting, loyihangizni topshiring va holatini onlayn kuzatib boring.
Grant yoʻnalishlari
Grantlar toʻrt yoʻnalish boʻyicha ochiq tanlov asosida ajratiladi
Teatr, sanʼat va taʼlim
Teatr, sirk, musiqa, raqs, nomoddiy madaniy meros, kino va animatsiya hamda madaniyat taʼlimi.
Adabiyot va ijtimoiy yoʻnalish
Adabiy asarlar yaratish, inklyuzivlik va ijtimoiy yoʻnalishdagi loyihalar.
Startap va ijodiy loyihalar
Ijodiy tadbirkorlik, startaplar va yangi ijodiy tashabbuslar.
Innovatsiya va raqamlashtirish
Innovatsiya, sunʼiy intellekt va madaniyat sohasini raqamlashtirish.
Moliyalashtirish tartibi
Grant mablagʻlari shartnoma tuzilgandan soʻng grant miqdoriga qarab bir yoki bir necha transhda oʻtkaziladi. Keyingi transh faqat oraliq hisobot qabul qilingani va KPI koʻrsatkichlari bajarilgani tasdiqlangach ajratiladi — bajarilmasa transh toʻxtatiladi va mablagʻ tegishli manbaga qaytariladi.
Transhlar tartibi
- 100 mln soʻmgacha100%
Shartnoma tuzilgan kundan 15 ish kuni ichida bir yoʻla
- 100 – 500 mln soʻm60% + 40%
2-transh — oraliq hisobot qabul qilinib, KPIning kamida 50% bajarilgach
- 500 mln soʻmdan yuqori40% + 30% + 30%
Transhlar KPIning kamida 40% va 70% bajarilgani tasdiqlangach
Maʼmuriy xarajatlar grant umumiy summasining 10 foizidan oshmasligi kerak (tanlov eʼlonida boshqacha miqdor belgilanmagan boʻlsa).
Moliya manbalari
- Davlat byudjeti
- «Ijodga investitsiya» jamgʻarmasi
- Vazirlikning byudjetdan tashqari jamgʻarmasi
- Homiylik mablagʻlari
Tanlov qanday oʻtadi
Shaffof, bosqichma-bosqich va toʻliq elektron jarayon
- Kamida 30 kalendar kun oldin
Eʼlon
Yoʻnalish, grant miqdori, ishtirok shartlari va baholash mezonlari bilan tanlov eʼlon qilinadi.
- Eʼlonda belgilangan muddatda
Ariza qabuli
Ariza beruvchilar OneID orqali kirib, loyiha va hujjatlarni yuklaydi. Muddat tugagach arizalar qabul qilinmaydi.
- Qabul tugagach — 15 ish kuni
Texnik saralash
Ishchi organ hujjatlar toʻliqligi va muvofiqligini tekshiradi, «tanlov ishtirokchisi» maqomini beradi. Kamchilik aniqlansa, tuzatishga kamida 3 ish kuni beriladi.
- Komissiya belgilagan muddatda
Ekspert baholash va taqdimot
Kamida 3 nafar mustaqil ekspert mezonlar boʻyicha ball qoʻyadi. Zarur hollarda ishtirokchi loyihasini taqdim etadi: 15 daqiqa — tushuntirish 5, namoyish 5, savol-javob 5.
- 2 ish kunida eʼlon · 10 ish kunida shartnoma
Gʻoliblar va moliyalashtirish
Tanlov komissiyasi gʻoliblarni tasdiqlaydi va grant miqdorini belgilaydi, natijalar platformada eʼlon qilinadi, shartnoma E-IMZO bilan imzolanadi.
Baholash mezonlari
Har bir mezon boʻyicha qoʻyilgan ball ekspert tomonidan yozma asoslantiriladi
Yakuniy ball — ekspert ballarining oʻrtacha arifmetik qiymati. Ekspertlar ballari orasidagi farq 25 balldan oshsa, loyiha qoʻshimcha ekspertga yuboriladi. Yakuniy bali 65 balldan kam loyihalar grant ajratish uchun tavsiya etilmaydi.